မေမေ့အတွက်စပ်တဲ့ကဗျာ
~~~~~~~~~~~~~~~~
ဖုန်ထူသောလမ်း
နေရောင်လွှမ်းတဲ့ခရီးကြမ်းမှာ
တစ်ရွာဝင်တစ်ရွာထွက်
ဈေးတောင်းကလေးခေါင်းပေါ်ရွက်ပြီး
သားသမီးတို့ပညာရေးအတွက်
ချွေးစက်ကိုရေချိုး
မညှိုးသောစိတ်ထားနဲ့
စီးပွားရှာခဲ့တဲ့ မေမေ.....။
ဇွဲမလျှော့မြဲ
သူတစ်ပါးလည်းအားမကိုးသူ
ဖြူစင်တဲ့မာနခဲ
ရင်သွေးတွေလောကအလယ်ထဲ
လူရာဝင်ဖို့ဒီတစ်ခုတည်း
မျှော်လင့်ဆဲစိတ်ကူးကာ
ဘယ်လောက်ပဲပင်ပန်းပါစေ
အပြုံးမပျက်ခံတဲ့....မေမေ....။
ဆန်တစ်ဗူးရဖို့
ဆီတစ်ဗူးရဖို့
သွားခဲ့တဲ့ခရီးတွေမှာ
ခြေထောက်တွေနာ လက်တွေနာ
ဈေးသည်တစ်ယောက်ရဲ့ဘဝဆိုတာ
ဘယ်လိုလုပ်ပြီးပျော်စရာရှိမှာလဲ
သမာအာဇီဝလည်းကျ
ကျန်တာလည်းမလုပ်တတ်တဲ့ကာလမို့
မျက်ရည်တွေ ချွေးထဲမှာ စို့ခဲ့ရတဲ့မေမေ...။
သားကြီးအတွက်ကြက်ပေါင်ဖိနပ်ဝယ်
သမီးကြီးအတွက်ယင်းမာဖိနပ်ဝယ်
ခြေလျင်ကျောင်းတတ်တာလွယ်ဖို့တဲ့လေ...
မုန့်ဖိုးမပေးနိုင်
ဟင်းကောင်းမချက်နိုင်
လွယ်အိတ်အသစ်မဝယ်ပေးနိုင်
လောကဓံကိုအန်တုနိုင်ဖို့လေ့ကျင့်ပေး
ကံကြမ္မာနဲ့လောင်းကြေးထပ်တဲ့ပွဲမှာ
အပြတ်အသတ် နိုင်ခဲ့ပါတယ်မေမေ...။
သားနှစ်ယောက်ရဲ့ပညာရေး
သမီးနှစ်ယောက်ရဲ့အနာဂတ်ရေး
အလှပဆုံးအတွေးနဲ့ကြိုးစား
ပတ်ဝန်းကျင်မှာ ကြားရတဲ့စကားတွေက
ညည်းမို့လို့ ဆင်းရဲခံတယ်အေ
သားသမီးတွေက ဘာဖြစ်မှာမို့လဲ
မယုံကြည်အပ်တဲ့လူတွေနဲ့အယူအဆလွဲ
နားလည်မပေးတတ်သူတွေနဲ့ခံယူချက်ကွဲ
တစ်ယောက်တည်းအံခဲခဲ့တဲ့ မေမေ....။
တစ်နှစ်တစ်တန်းအောင်တဲ့
သားသမီးတွေရဲ့ ကြည်နူးမှုအသေးစားက
မေမေ့အတွက် ဧရာမအားဆေးတစ်ခု
အခက်အခဲတွေကို အန်တုဖို့ ပီတိ
ရွာထဲကလူတွေမသိဘူး
ရွှေရှိမှမျိုးတော်သူတွေမသိဘူး
မေမေ့ရဲ့ဈေးတောင်းနဲ့ချိန်ခွင်တို့သိကြတယ်
မိုးမလုံတဲ့အိမ်အိုလေးသိတယ်
ဖိနပ်ပါးပါးလေးသိတယ်
အိမ်ရှေ့က မန်ကျည်းပင် သိ ခဲ့ တယ်.....။
ဝဋ်ကြွေးလို့အမည်တပ်ရမယ့်
အဖေ့ရဲ့ ကွယ်လွန်မှုမှာ
မေမေ ရင်နာကြေကွဲခဲ့တယ်
အံကျိတ်ငိုညည်းခဲ့တယ်
ဒါပေမယ့်
သားသမီးတွေအတွက် မပျော့ညံခဲ့ဘူး
စံပြတစ်ယောက်အဖြစ် သွေးမကြောင်ခဲ့ဘူး
မနက်ဖြန်လှလှတွေကိုခူးယူမယ့်လက်ချောင်းတွေ
မာကျစ် နုညံ့ခဲ့တယ်
ခိုင်ခံ့ တည်ကြည်ခဲ့တယ်
အေးဆေး တတ်ကြွခဲ့တယ်...။
အခုလို သားသမီးတွေပညာတတ်လာကြတော့
ခေါင်းမော့ထားတဲ့မေမေ့မျက်နှာ
ပြုံးရွှင်နေတဲ့မေမေ့ရုပ်လွှာ
တိမ်စင်လပမာကြည်လင်ဝင်းပ
ရွာထဲကပြောနေကြပြီ
အိုကံ ကောင်းလိုက်တာတော်
မွေးရကျိုးနပ်ပ အေ
ပင်ပန်းခဲ့ရတာ တန်တယ်နော်..
တမလွန်ကအဖေလည်း
မေမေ့ကို ကျေးဇူးတင်နေမှာပါ...။
ပညာရေးအမှောင်ကျတဲ့ခေတ်မှာ
ပညာအမွေသာမြတ်နိုးခဲ့တဲ့ မေမေ
အညတရရွာလေးတစ်ရွာမှာ
အများနဲ့ ဓမ္မာသောကဖြစ်ခဲ့တဲ့ မေမေ
တာဝန်နဲ့ဝတ္တရားကိုအပြည့်ယူ
မိမိအတွက်အရာရာလျစ်လျူရှုခဲ့တဲ့ မေမေ
ဘဝအပူတောမှာ ဓနချူချာတာမကြောက်
ဒုက္ခကိုဒူးမထောက်ခဲ့တဲ့ မေမေ
ပစ္စုပ္ပန်တိုင်းမှာ နေပျော်ပါစေ
မနက်ဖြန်တိုင်းမှာ အေးချမ်းပါစေ
သား ဆုတောင်းနေပါတယ် မေမေ.....။
No comments:
Post a Comment