😁😁😁😁(7)😁😁😁😁
ယမန်နေ့က သတင်းများ
~~~~~~~~~~~~~~
စသည်ဖြင့်
ငါတို့ မူးခဲ့ကြသည်
သိမ်းထားသော မနက်ဖြန်များ
ဝှက်ထားသော အပြုံးများ
ပြိုင်တူချမပြခင်
ငါတို့အတူတူ "ဟင်...”ခဲ့ကြသည်
ယုံကြည်အပ်သော စကား
မယုံကြည်အပ်သော မျက်လုံး
တစ်ယောက်တည်းအသုံးပြုသောအခါ
ငါတို့ဘာကိုလက်ခုပ်တီးရမှာလဲ
နုညံ့သော သေခြင်းတရား
သိမ်မွေ့သော နေခြင်းတရား
ငါတို့ရွေးချယ်နေတာ ပထမအရာလား
မွှေးပျံ့သော ဆုံဆည်းမှု
နွေးသန့်သော ခွဲခွာမှု
ဘယ်သူ့ထံမှာ တုပကြမှာလဲ
ဇုနတ်မင်းကြီးဟာ
ယမန်နေ့က
ချောင်းဆိုးသေးပါ
နေမကောင်းဖြစ်ခဲ့တာကြာပေါ့
ဟောဒီကမ္ဘာကြီး
ပြားပြားလုံးလုံး
ငါတို့ တစ်ဘဝလုံး ရိုးသားကြရအောင်
နွေမှာပွင့်တဲ့ပန်းဝါဝါ တွေ
ဝေဒနာလွင့်ခဲ့လန်းဖြာပါစေ
သင်္ကြန်မိုးရေ....Ready ဖြစ်နေပါ
ဝါးမြိုခံရသော ကိုယ်ကျင့်သီလ
ဇွတ်နေရာယူလာသော ကောသလအိပ်မက်များ
ငါတို့ ဘုရား,တမလား အားကျမလား
နေရောင်ခြည်သည်
မည်သို့ပင်ဆိုစေ
ပူပြင်းလင်းရှနေအုံးမည်
အမှန်တရားသည်
တခါတရံ....(Sorry..)...အမြဲတမ်း
ငါတို့ ကြောက်ရသောလက်နက်တစ်ခုဖြစ်သည်
ထို့ကြောင့်
မှားယွင်းမှုခံတပ်များ
ထပ်မံမြင့်မားကြပါစို့
လိမ်ညာမှုတောအုပ်ထဲမှာ
ထပ်မံနမောတဿကြပါစို့
No comments:
Post a Comment