😁😁😁😁😁(27)😁😁😁😁😁
စတုတ္ထ အင်းလေး
~~~~~~~~~~~
မနေ့ကလိုပဲ
မိုးတွေ ဆိုင်းမဆင့်ဗုံမဆင့် စဲ
နောက်ကျိနေတဲ့ရေတွေနဲ့
လျှောက်ကြည့်မိနေတဲ့ ငါ့မျက်ဝန်းတွေ
ငယ်ရည်စားကိုပြန်တွေ့သလိုမျိုး
ပထမမြောက်ငါရောက်တုန်းက ဗေဒါတွေ
ခုတော့
အပျိုကြီးဖားဖားတွေ ဖြစ်လို့
လှေလှော်တဲ့လူငယ်လေးက
ဘဝကို
လွယ်လွယ်လှော်နေတာမဟုတ်ဘူး
ငါးထမင်းစားရင်း
စကားအချင်းများနေကြတာ
ရေနွေးကြမ်းရယ် တို့ဟူးကြော်ရယ် ပဲပုပ်ကြော်ရယ်
ရှမ်းသုံးကောင်မဟုတ်ဘူး
ငှက်ကလေးတွေကို ကျွေးဖို့
ဝယ်သွားခဲ့တဲ့ အစာတွေ
အတောင်ပံခတ်သံကို နားစွင့်နေခဲ့မိ
အခုလို
ကောင်းကင်ပြာ ပုန်းကွယ်နေတဲ့နေ့နဲ့
နန်းမွေစံ အိပ်ပျော်နေတဲ့နေ့ဟာ
ထပ်တူကျနေပါလားကွယ်..........
No comments:
Post a Comment