😁😁😁😁😁(29)😁😁😁😁😁
ဘုန်းကံနည်းတဲ့ မိုးရာသီ
~~~~~~~~~~~~~~
သေသေချာချာ အုံ့မှိုင်းခွင့်ရပေမယ့်
သည်းကြီးမည်းကြီး ရွာချခွင့်မရဘူး....
ပူစပ်ပူလောင်လေတွေက
ငရဲပြည်က လာတာလား.....
သူ့ကစားကွင်းမှာ မျက်နှာမရတဲ့တိမ်တွေက
ပင်လယ်ဆီ ဝန်ချတောင်းပန်ကြမလို့...တဲ့
အိမ်ရှေ့က ပိတောက်ပင်ကြီးဟာ
သူ့ဝတ်ရုံကို ချွတ်ချချင်နေတာ ကြာပြီ
ဖားအော်သံက အစစ်လား အတုလား
မိုးခြိမ်းသံက ဒို ရေ လား မီ ဖာ လား
တစ်နေရာမှာ တောင်တွေကို ဖြို လူတွေကို မျို
နောက်တစ်နေရာမှာ ခြောက်ကပ် ပူပြင်း ပိုမို
ဘုရားသခင်ဟာ
ဒီနှစ် ဘာတွေများ စိတ်ညစ်နေပါလိမ့်....
No comments:
Post a Comment