😁😁😁😁😁(28)😁😁😁😁😁
နံရံအလွန်က အာဃာတများ
********************
ဘုရားအဆူဆူ
ဟောတော်မူခဲ့တယ်
မကောင်းမှုရှောင်
ကောင်းမှုဆောင်
ဖြူအောင်စိတ်ကိုထား....တဲ့....
ငါတို့ရဲ့ နံရံပေါ်မှာ
ဂရုဏာတွေအပြည့်
မေတ္တာတွေအပြည့်
အချင်းချင်း အပြုံးမွေ့နေလိုက်ကြတာ
ပန်းတွေ ရာသီမတိုင်ခင် ပွင့်နေကြသလို....
နံရံရဲ့အလွန်
ငါတို့ရဲ့ အစ္ဈတ္တနွံထဲမှာ
ဣဿာ.......မစ္ဆရိယ....ကိလေသာပိုးတွေတရွရွ
လုံးဝ အကျည်းကျန်လှချည်လား....
အသက်ကြီးသူတွေရဲ့ အတ္တ
အသက်ပိုကြီးသူတွေရဲ့ လောဘ
အသက်အလွန်ကြီးသူတွေရဲ့ တဏှာရာဂ
ကြီးသထက်ကြီးကြီးလာကြသလား....
အဲလို လူတွေကြားမှာ
(ဖြူစင်သော....အတ္တကင်းသော...)
ချစ်ခြင်းနဲ့ မွေ့ပျော်သူတွေ
အနေခက်လိုက်တာနော်.....
ချစ်ခြင်းနဲ့ ကြီးပြင်းခဲ့တဲ့ လူတွေ
ချစ်ခြင်းနဲ့ အလုပ်လုပ်နေတဲ့ လူတွေ
ချစ်ခြင်းနဲ့ ခရီးသွားနေကြတဲ့ လူတွေ
ချစ်ခြင်းကို အသက်လို တန်ဖိုးထားနိုင်ပါစေ....
No comments:
Post a Comment