😁😁😁(34)😁😁😁
ဆရာအိုရဲ့ လွမ်းတေး
~~~~~~~~~~~~~~
သွေးထဲက ယုံကြည်ရာ
ဘဝလက္ခဏာပေါ်မှာ
"ကျောင်းဆရာ.....”
ခေတ်ဆိုးထဲက ပညာရေး
ဒလိမ့်ကောက်ကွေး လူငယ်တွေ
ငါ့ရဲ့ စေတနာမှာ ပျော်ခဲ့သလား
ကြယ်အစင်းစင်း
အလင်းအဖုံဖုံ
ငါ အစွမ်းကုန် မှင်နီသုံးခဲ့ပါတယ်
ကန္တာရ နက္ခတ်ထဲမှာ
နေ့လည်စာ အကြိမ်ကြိမ် ဆွံ့အ
ဒါပေမယ့် ငါ
သတ္တိရှိပြခဲ့တယ်
သမိုင်းရဲ့ ပြန်ပေးဆွဲခံ
ငါ့တပည့်တွေရဲ့ ဘဝနံရံများ
စွတ်စို ပါးလျား နာကျင်
ငါရင်နာလိုက်တာ ကျောင်းကြီးရယ်
အမှောင်သုံးဆယ်
နှင်းရည်စွတ် ညတွေအလယ်မှာ
မြေဖြူလေးတွေ ငိုကြ
တိုက်ပုံလေးတွေ လက်ပြ
ဪ......ငါ.....အသက် ခြောက်ဆယ်ရပြီပဲ
"မင်္ဂလာပါ ဆရာကြီးရှင့်/ခင်ဗျ....”
နားထဲမှာကြားမိတာ ခဏခဏ
ပြန်မရနိုင်တော့တဲ့ သမုဒယရသ
တရေးနိုးမှ ပြန်စဥ်းစား
ဒါ.....အိပ်မက်ပါလားကွယ်
လမ်းပေါ်က ဖြူစိမ်းလေးတွေ
ပျော်ရွှင်မှုနဲ့ ပညာယူနိုင်ပါစေ
တိမ်ပွင့်တွေကို ဆွတ်ခူး
နိုင်ငံ အသစ်သို့ ကူးနိုင်ပါစေ
စစ်မှန်တဲ့ရေလျဥ်မှာ စီးမျော
ချစ်သောပန်းတွေ မွှေးပါစေ
ကျောင်းခေါင်းလောင်းသံ ချိုမြ
စာသင်ခန်းတွေ အကယ်ဒမီရပါစေ
No comments:
Post a Comment