😁😁😁😁(23)😁😁😁😁
နာလန်ထကဗျာ
~~~~~~~~~
ငယ်ငယ်ကလို
လေတံခွန်လေး လွှတ်ချင်လိုက်တာ
မိုးမအုံ့တဲ့ ညနေပြာပြာလေးမှာ.........
နေမကောင်းဖြစ်တော့မှ
လမ်းလျှောက်ချင်တဲ့စိတ်တွေ
ဧရာဝတီမြစ်ပေါ်အထိ ရောက်နေတယ်........
ငါဖျားနာနေတုန်းမှာ
မေမေကပဲ မေတ္တာပို့ပေးမယ်
ချစ်ဇနီးကပဲပြုစုပေးတယ်
ဘုရားသခင်တွေကတော့ မသိဟန်ဆောင်နေကြ
နေကောင်းတော့မှ ပြုံးပြကြတယ်....
ရေအေးအေး
ဘီယာအေးအေး
သီချင်းအေးအေး
ဘာမှမခံစားနိုင်တဲ့ ညတွေကို မုန်းမိတယ်......
အိပ်မပျော်တဲ့ ညများစွာရဲ့အလွန်မှာ
ကျွန်တော်
လက်ညှိုးထိုးပြီး အတ္တတွေကို အန်ချမိတယ်......
မောင်ချောနွယ်
မောင်ညိုမှိုင်း(အင်းဝ)
မောင်သိန်းဇော်
သစ္စာနီ
မြင့်သန်း
ကဗျာတွေအပုံကြီးထွက်ကျလာတော့တယ်......
No comments:
Post a Comment