တောင်ကြီးရေ Good-bye
~~~~~~~~~~~~~~
စိမ်းမြတဲ့သစ်ပင်ကြီးတွေ
လတ်ဆတ်နုစိုတဲ့လေပြည်လေညင်း
မွှေးရနံ့မပြင်းတဲ့ ပန်းရောင်စုံ
ရင်ခုန်စရာ ရှမ်းမလေးများ
စကားဝဲဝဲ တိုင်းရင်းသားညီအစ်ကို
အရသာချိုစပ်ချဉ် အစားအသောက်
လမ်းလျှောက်လို့ကောင်းတဲ့ ညဈေးတန်း
ရိုးသားခြင်းတွေလွှမ်းတဲ့ အပြုံးနဲ့
တောင်ကြီးရေ.......
မင်း....ငါတို့ကိုကြိုဆိုခဲ့တယ်......။
မြေပြန့်ကရောက်လာခဲ့ငါတို့ရဲ့နှလုံးသားမှာ
မင်းဟာ ထူးထူးခြားခြား လှပ
ဘယ်တော့မှ မေ့လို့ရမှာမဟုတ်တော့ဘူး
မင်းရဲ့ရင်ခွင်မှာ
တစ်ညတာခိုလှုံဖူးတယ်ဆိုတဲ့အသိ
ဂုဏ်ယူပီတိနဲ့ မှတ်မိနေမယ် ကွယ် .....။
မိုးတဖွဲဖွဲကျနေတာကစ လှပ
တိမ်တွေ မင်းကို ကာကွယ်ဝိုင်းဖွဲ့နေပုံကလည်း
ငါ့လို အသည်းနုသူအတွက်
ပက်ပက်စက်စက် လွမ်းစရာ........
ဘာသာ စာပေ ဂီတ အနုပညာ
သီးခြားပိုင်ဆိုင်တဲ့ ရှမ်းအနွယ်တွေကို
ကြာရှည်စွာ ထိန်းသိမ်းခဲ့တဲ့ မင်းဟာ
ငြင်းစရာမရှိအောင်တာဝန်ကျေ
ငါ လေးစားနေပါ့မယ် ကွာ .......
အတတ်အဆင်းလမ်းတွေက
ဘဝရဲ့ စီးဆင်းမှုကိုသွယ်ဝိုက်ဖော်ပြ
မာနမရှိတဲ့ နေခြည်နွေးနွေးကလည်း
ပါးအို့ရဲရဲပေါ် ကျဲချနေ
မင်းက ဖန်ဆင်းရှင်လား တောင်ကြီးမြို့ရေ.....
ခေါပုတ်ကြော် ကောက်ညှင်းထွေး
တို့ဟူးနွေး လက်ဖက်သုတ်
ခေါက်ဆွဲပြုတ် ဆီတို့ဟူး
မင်းဧည့်ခံတဲ့ထူးထူးခြားခြားစားစရာ
ငါ့ လျှာပေါ်မှာ အမြစ်တွယ်
မင်းကို ငါအရမ်းချစ်တယ် တောင်ကြီးမြို့ရေ.....
ဥတုသုံးဖြာမှာ
အမြဲသာယာနေမယ့်မြို့
ရှမ်းရိုးရာဝတ်စုံနဲ့
ထာဝရကျက်သရေရှိတဲ့မြို့
နှင်းမြူမိုးအေး လဖွေးဖွေးနဲ့
အတွေးဖြူစင် သောကမမြင်ရတဲ့မြို့
ဗမာ ပလောင် ရှမ်း ဓနု ပအို့
လူမျိုးရေးမခွဲခြားတဲ့မြို့
ဒဏ္ဍာရီဆန်ဆန်
ရာဇဝင်ကိုပန်ခဲ့တဲ့မြို့
အို......ချစ်သောတောင်ကြီးမြို့ရေ....
ငယ်ချစ်ဦးကိုလက်မပြဘဲနှုတ်ဆက်သလိုမျိုး
ငါ......
ရိုးရိုးလေးပြောခဲ့ပါ့မယ်
Good-bye ကွယ်.......
No comments:
Post a Comment