လွန်ခဲ့သောနှစ်များနှင့်ကျွန်တော်
----------------------------------------
အတိတ်ဆိုတာ
စိတ်ပျိုလာရင်
သိပ်ကိုနာကျင်စရာပါ သူငယ်ချင်း......
ကိုးဆယ့်ကိုးနှစ်ထောင်
ငါတို့ GTI ကောင်တွေဘဝ
သတိရမိလိုက်တာ
အဲဒီတုန်းက
မန္တလေးဆိုတာမြန်မာစစ်စစ်
ငါသိပ်ချစ်တဲ့မြို့ပေါ့
လမ်းသုံးဆယ်ပေါ်က ဂျီတီအိုင်
ဒေါ်ရှမ်းမရဲ့ နှစ်ဆယ်တန်ထမင်းဆိုင်
မင်းရော
မေ့ပစ်နိုင်လို့လား
စာသင်ချိန်ခဏခဏပျက်
Tea ဆိုင်မှာ chess ထိုး
စိုင်းအွတ်မျက်နှာသိုးနေပြီကွ
ငတ်ငတ်ပြတ်ပြတ်
စက်ဘီးအစုတ်နဲ့သွားခဲ့ရက်များ
အငဲရဲ့
မန္တလေးည တမ်းချင်း နဲ့ဖြေသိမ့်
ကျုံးဘေးမှာ အိပ်ခဲ့ကြဘူးတယ်နော်
ဂျူးကို crazy ဖြစ်တဲ့ ညီညီထူး
နန်းကိုရူးသွပ်တဲ့ နေမျိုးအောင်
ပေါ့ပေါ့ပါးပါးကောင် ဟန်နိုင်ကို
ခေါင်ရည်သောက်လိုတဲ့ ကျော်စိုးအောင်
ဖွန်အမြဲကြောင်တဲ့ သန်းမြို့ ငနဲ
mississippi သီချင်းကိုစွဲတဲ့ အောင်သွင်
အမှန်ဝန်ခံရရင်
မင်းတို့အားလုံး စာမေးပွဲနီးရင်
ငါ့ကို
ဆရာ လို့ခေါ်ချင်ခဲ့တာမဟုတ်လား
ဟားဟားဟားဟားဟားဟား
မနက်ဖြန်စာမေးပွဲဖြေရမယ့်ဟာ
ဒီနေ့ညမှာ အလင်းပေါက်ဖဲကစား
မင်း နိုင်ရင် ငါက စား
ငါ နိုင်ရင် မင်းက သောက်
ဒီလိုနဲ့
ပညာတွေတောက်ခဲ့ကြတယ်နော်
ခေတ်ကို အတူတူဆဲခဲ့ကြတယ်
အစိုးရကို အတူတူအပြစ်ဖို့ခဲ့ကြတယ်
ကတ္တရာလမ်းပေါ်ဖိနပ်မပါဘဲ
အတူတူလျှောက်ခဲ့ကြတယ်
လေးဖြူသီချင်းတွေကို အတူတူအော်ခဲကြတယ်
အနာဂတ်ကို တွေးပြီးအတူတူကြောက်ခဲ့ကြတယ်
ဒါပေမယ့်
အဲဒီ လွတ်လပ်တဲ့ဘဝ
ပြန်ရချင်လိုက်တာကွာ......
အခုတော့
ငါတို့ရဲ့ကျောင်းတော်ကြီး
ဗဟိုအမျိုးသမီးဆေးရုံဖြစ်
လမ်း ၃၀ ကိုတောင် ငါ မုန်းပစ်လိုက်ပြီ
ဒါပါပဲ ငါ့ကောင်ရေ
မင်းရဲ့ သားသမီးတွေရောနေကောင်းကြလား
ဖခင်တစ်ယောက်အနေနဲ့
ဘာတွေသင်ပေးခဲ့ပြီးပြီလဲ
ငါ့အနေနဲ့
တစ်ခုတော့အကြံပေးခဲ့ချင်တယ်ကွာ
ကလေးတွေကို ရိုးသားဖို့အရင်သင်ကွာ
မင်းတို့ငါတို့လို
လူလိမ်လူညာတွေမဖြစ်စေနဲ့
အဆိုးမြင်သူတွေမဖြစ်စေနဲ့
နားလည်တယ်နော်
ဒါပဲ
အိပ်ပြီ
Bye
No comments:
Post a Comment