လောကကြီးရေ.......
~~~~~~~~~~~
လောကကြီးရေ........
လူတွေညံလိုက်ပုံများ
တစ်ယောက်ကဒါကိုကြိုက်လိုက်တာနဲ့
ဘုမသိဘမသိ
ဝိုင်းပြီးကြိုက်မိကြတယ်
လေ့လာကြည့်တော့မှ
ခပ်ကြောင်ကြောင်မြန်မာဇာတ်လမ်းဖြစ်နေတယ်
ပြီးတော့ ပြောကြသေးတယ်
ကျွန်မက ပဒိုင်းပန်းပါ မောင် တဲ့......။
လောကကြီးရေ........
လွှတ်တော်လူကြီးတွေတုံးလိုက်ပုံများ
ဖွဲ့စည်းပုံအခြေခံဥပဒေကိုပြင်ဖို့
ငါတို့ခေါင်းဆောင်ဟောင်းကြီးထံက
အကြံဥာဏ်တွေတောင်းခံကြမလို့တဲ့လေ
လေ့လာကြည့်တော့မှ
ခပ်ကြောင်ကြောင်ဝန်ကြီးဖြစ်နေတယ်
ပြီးတော့ ပြောသေးတယ်
ကျုပ် ကြောက်တတ်တယ် မောင် တဲ့......။
လောကကြီးရေ.. .......
ဆရာတွေဖိန့်လိုက်ပုံများ
ကျောင်းသားတစ်ယောက်ရဲ့ပညာအားကို
အမှတ်များနဲ့တိုင်းတာရမယ်တဲ့
လေ့လာကြည့်တော့မှ
ကျောင်းသားကကျက်မင်းသားဖြစ်နေတယ်
ပြီးတော့ ပြောသေးတယ်
ရွှေအိုးရှိမှ ပညာရမယ် မောင် တဲ့......။
လောကကြီးရေ........
မြန်မာလယ်သမားတွေရိုးလိုက်ပုံများ
အသည်းကြားကမဲတစ်ပြားကဘာလဲဟင် တဲ့
သေချာရှင်းပြတော့မှ
ရယ်ရယ်မောမောပြောရှာတယ်
အိုး....ဘယ်သူတတ်တတ် ထမင်းမငတ်ဖို့အဓိကပဲ
ပြီးတော့ ပြောသေးတယ်
အစိုးရတိုင်း အစတော့ရိုးတယ် မောင် တဲ့......။
No comments:
Post a Comment