မူးယစ်ဆေးဝါးထက်ပိုဆိုးသော
=====================
အိမ်ရှင်မတွေ
အိမ်မှုကိစ္စတွေသိပ်မလုပ်ကြတော့ဘူး
Facebook ကိုအပြိုင်အဆိုင်သုံး
ရွှေအချိန်များစွာ ကုန်ဆုံးနေပြီ
ဆရာမလေးတွေ
စာသင်ခြင်းမှာပေါ့လျော့ အလေးမထား
Viber ပေါ်မှာ chattingများ
တန်ဖိုးရှိတဲ့စကားတွေ ဆွံ့အ
ကလေးတွေအတွက် ပေါ့ဆကြပြီ
ကျောင်းသူ ကျောင်းသားတွေ
ပညာရှာတာတွေ အားနည်း
Handsetထဲက game တွေနဲ့ ပျော်မွေ့
အမေ့ဆီက မုန့်ဖိုးငွေတွေ ဖြုန်းတီး
အနာဂတ်ခရီး မရေမရာဖြစ်ပြီ
ရွာထဲကလူငယ်လေးတွေ
မြို့ပြကအလုပ်သမားလေးတွေ
အပျင်းပြေ ခေါင်းစဉ်အောက်မှာ
Beetalk နဲ့ အာပလာလုပ်
wechat နဲ့ အီစီကလီပြော
ဘာအကျိုးအမြတ်ရသလဲ ကျုပ်ကိုပြောပါ
ဘာမှမဆိုင်ဘူးလို့ထင်ရတဲ့စကား
ကျုပ် ပြောထားခဲ့မယ်
အစိုးရက
ပြည်သူတွေရဲ့ ပညာရေးကိုသတ်နေတယ်
စီးပွားရေးကို နှောက်ယှက်နေတယ်
လူမှုရေးကို ဖျက်ဆီးနေတယ်
နိုင်ငံရေးကို မှိုင်းတိုက်နေတယ်
ဆရာကြီးဦးအောင်သင်းရဲ့သြဝါဒ
ငှါးပြီးပြောပါရစေ
လူငယ်တွေ စဉ်းစားကြပါ
လေးလေးနက်နက် တွေးကြပါ
မြန်မာပြည် ညည့်နက်လာပါပြီ
No comments:
Post a Comment